ئاخىرەت ئىسلام مەركىزىنىڭ گۇاڭدۇڭدىكى ۋەقە توغرىسىدا باياناتى !

ئەسسالامۇ ئەلەيكۇم ئەزىز قېرىنداشلار ! تور بېكىتىمىزنى داۋاملىق زىيارەت قىلىپ تۇرغۇنىڭلار ئۈچۈن اللە كۆپ ساۋابلار بەرسۇن ..ئامىن ..

كۆپچىلىكىمىز بىلىمىز ، يېقىندا گۇاڭدۇڭ شاۋگۈەن رايونىدىكى قانلىق توقۇنۇش ۋەقەسىدە ، شىنجاڭدىن گۇاڭدۇڭغا ئىشلەشكە بارغان ئۇيغۇرلارنىڭ نەچچىسىنىڭ ئۆلتۈرۈلگەنلىكى ھەققىدە ئىنسان قېلىپىدىن چىققان ۋەھشىلەرچە قىلمىشلىرى ھەر قايسى قانۇنلۇق تور بېكەتلەردە ھەم خەۋەر ئاخبارات ۋاستىلىرىدە ئېلان قىلىنغان ئىدى .

شۇ مۇناسىۋەت بىلەن ئاخىرەت ئىسلام مەركىزىمىز ھەر قايسى ئورگانلارغا شۇنى بايان قىلىدۇ :

1) بۇ ۋەقەگە ھەر تەرەپتىن ئىتىبار بېرىپ تۇرىمىز ھەم ھەر قانداق بىر كىشىنىڭ دىققەت قىلىشىنى تەشەببۇس قىلىمىز ؛

2) بۇ ۋەقە توغرىسىدا ھەققانىي بىر كېسىم ئېلان قىلىنىشىنى ، ۋەقەنىڭ ئەسلى ماھىيىتىنى ئاشكارلىشىنى تەلەپ قىلىمىز ؛

3) ئاپتونۇم رايونىمىز رەھبەرلىرىنىڭ بۇ ۋەقە توغرىسىدا ئوچۇق ئاشكارە بايانات ئېلان قىلىشىنى تەلەپ قىلىمىز ؛

4) بۇ باياناتىمىز قانۇنسىز بايانات بولماستىن بەلكى مىللى كەمسىتىشكە ئۇچراۋاتقان ئۇيغۇرلارنىڭ يۈرەك سۆزىدۇر ؛

توقۇنۇشتا خەنزۇ يولداشلار تايىقى ئاستىدا ئۆلۈپ كەتكەن ئۇيغۇر قېرىنداشلىرىمىزغا اللە تىن مەغفىرەت تىلەيمىز ھەم بارلىق ئۇيغۇر قېرىنداشلارنىڭ ھىسسىياتقا ئەمەس بەلكى ھەق ـ ھوقۇققا تايىنىپ ئىش كۆرۈشىڭلارنى تەشەببۇس قىلىمىز .

بۇ ۋەقە توغرىسىدىكى فىلىملەرنى كۆرۈش ئۈچۈن بۇ يەرنى بېسىڭ !

بۇ ۋەقە توغرىسىدىكى يازمىلارنى كۆرۈش ئۈچۈن بۇ يەرنى بېسىڭ !

ـ ـ ـ ـ ـ ـ

ئاخىرەت ئىسلام مەركىزىمىزنىڭ سەھىپىسىگە مەرھەمەت